Çile 2007

Roj ke biyene derg, hewa ke biyene germ, hayleme dêwa (gund) ma biyene berz, çike ma þiyene ware (zozan). Vêrênde camerd þiyene warê ke heyvanure gore viraze, serva çe (mala) xo des nênêro, dar û ber û welg estene ser, kerdene hazýr. Dewa ma þiyene Heniye Bostan ya ji þiyene Kemere Duzgýn. Roza warê þiyane de hewn nekotene cimane mi. A þewe mý besenekerdene ke rakuri, tý vana hewn gýle koyudero.

Sodir zaf rêw ma kotene raye. Merga Qem ra dýme eke oroj vejiyene amene wýle Kuleske. Uzara Heniye Bostan osenê. Le hona xeyle dürvî. Endi na wýle de ke tij vejiyene, ceni û camerd kele xo býrnene û dua kerdene. Maa (dakýle) mý vatene: “Ya Duzgýn Bava, bojiye domenone mý bije, îne teslime to ken, dînere qusur mede. Ya Xýzýr, ya Kures deste domenone mý cameverde derd û bela ra dür bije.”

Gegane ki maa mý vatene: “Verende qome dînare yardým býde, dýma ki serva xatýre dînu bojiye domonene mý bije.”

            Maa mý jede bervenê. Fýqariye belka lete sere roje guretene. Neweþiya ma de, derd û belaye ma de her dem roje biye. Ewrû ez ke maa xo an çimane xo ver û dorme xo de niyadan, nan û werdena ewroyde muqayese ken, ferqe maa mý yeno çim ver. Zu aste û poste biye, tý vana goþt cira çinebi. Kare çey zaf bi, nan potene, do sayene, qaitkerdena heyvanu, axure, gore û domen bare daye bî. Bare xo gýran bî. Tý vana a direðe çe ma bîye. Ez baver ken, eke a nîya nêbiyene, ewru ez ki nêbiyene. Ez zu lazê daye biyo. Hetê ma de eke zu cenike lazeku nêard dina, ayera vatene qatýra þaye. Ponc wayene mýra dýma ez amo dîna. Coka tene qedre xo bî berz. Ez domanende zaf newes biyo, her roz, ya ji dý roz de reyê zerêfen kotene zerê mý, ez zerêfiyene u lerzenê. Ewru na neweþiyera malarya vane. Ýlac u doxtore ma jare û dare Dersim bî. Roze lerzenê kotvi zere mý adýre mý bî berz. Maa mý ez berdo Pirepes’e, hona peroz bi, býne dare de mýre cil kerdra û ez kewto hewn. Ez ke hewndebiyo þiya cer Heniye Weþiye ra qavê awe arda û kerda mý ser. Tabi ez þoke biyo, le neweþena mý berdevam kerde. Fýqariye zeke psinge leyire xo fetelnena, hên ez berdo jare û daru. Domenena mý de doxtor çinebi, ilac çinebi.. Roze ez berdo Kemere Duzgýn. Eskete (Þikefte) Celi de her roj dua kerdenê ke laze xo wêsbo. Birasti ez Kemere Duzgýn de biyo wês.

            Make Heniye Bostan de þiyene warê, domen zaf sabiyene. Çike ma kaykerdene, þiyene dere awe kerdene xo ser, þiyene mal. Roze ez leye maa xode maldebiyo. Hete Gerise ser mal berdvî. Ez maa xora biyo dür ke, mija xo býkeri. Mý nêzonake kutuk ya ji vergo, werê mýde býza apê mi wýle de gurete berde. Ez biyo husk  hen mendo, gula mýra weng nêwejiya. Onca mý lerze kerde þiyo leyê maya xo, le mý besenekerd ke cýra waji. Çike weng wýle mira nêwejiyene. Peniyede mý cira vat:

“Daye, kutýk býze berde!”

“Kutýk ya ji verg?”

“Ez nezonen je kutik bî.”

Maa mý hayleme kerd û kotera werg dýme cira býze dýrvetin gurete, le roja bin mêrde.

            Reye ma ke hona Heniye Bostan’de bime, neweþiya xurî gýnayvro þare ma, domen qýrbiyene. Maa mý ez guretu berdo dêwê. Çeniya cirana ma nêwesê bîye, borgene (kabarcýk) dayera kerm wejiyene. Uza adîr kerd wê û hire çar derjen adîrde rýnd wêsnay kerd sür û eke bî serd, maa mý borge Xece eve derjenu kerd výla iltihape dayê horte peçika gýrs û peçika iþaret de deste mýre aþý kerd. Tenê gon wejiye, le ez na neweþiya xýravera xeleþiyo. Dý waye mý hen bî newes ke zor xeleþay.

            Koye Duzgýn jara qome maya. Rýnd yenora mý wir (bir), ma dý rey þime uza warê. Býnê wýle Bava Duzgýn de, nejdiye lete koyde Eskete (Þikefte) Gau vatene, uza dý hire asme warêde mendime. Amýka mý Dêwa Alçeðe de zewejay bî, çena xo ji Gere ra amene ware. Deste ceniyan tol nebiyene. Hete zu de puç výrastene, hete bin de qýrkerdena Hirus û heþt 38 qeseykerdene. Býne lýngone Duzgýn’de esker zaf mýllet qýrkerdvi. Îne ke qýrkerdene sêr qeseykerdene, züvinde niyanedenê, je robot kare xo kerdenê, hete bin de berwenê. Domonena mýde zu fotoðraf mend, ceniye Kurd zaf zerêtenik û bervisan bî. Ceniya apê mý wenge xo zaf qert bi, le hen bervene ke tý vana çera meyit vejiyo. Derde xo gýran bi, çýka hire býray surgunde (koçber) bî.