Em tinê çavê xwe li navçeya xwe bigerînin. Di vê navçeyê da ji bilî dewleta Israîl, welatekî duyê ku dezgehên demokratîk yên rexurt hebin, peyda nabe. Kesekî Israîlî, polîtîkên dewleta xwe yên dijî Filistînîyan rexne dike, di bin slogana ”Aştî heman nihe” da bi sed hizaran dimeşe. Dikare neçe eskerîyê. Di her sewîyeyê da dikare mafên xwe biparêze û ramana xwe bêje. Mirov li çu pêşveçûnên demokratîk yên li vî welatî heyî, ne li Misir, ne li Sûrîyeyê, nejî li Iran û Tirkîyeyê rast naêt. Van dewleta, şiddet kirine tradisyona dewletê, bi prensîba hertişt bo dewletê û bijî dewleta babîn û herweha bi tarzê prîmîtîv yê dewletperêsîyê, prîm dane terorê û teror bi dezgehên ”dewleta kûr” domadine û lewma jî ev dewlete dezgehên herî zalim in.  Şefê kevin yê MITê gelek aşkera dibêje ku li hemberî Ocalan du caran kiryarên terorê pêkînane. Eve tête wê manayê ku terorê alîyê etnîkîya dewletperêsî jî heye. Li navçeyê, neteweperêsên Tirk-Ereb û Fars û dînperêsên fanatîk, wekî ku pênc şertên islamê bihebînin, xwe di terorê alandine.

Di roja îro da şiddet ji aletîya polîtîk derketîye û li şûna ku hevkarî digel bizava demokratîk ya azadîya Kurdî bête kirin ku entegreyî cîhanê bibe; digel sosyalîstên enternasyonalîst, bo rizgarkirina proletaryaya cîhanê, dijî Amerîka, Israîl û siyonîzmê bilindkirina alaya şer, dê bi Kurdan bide berze kirin.

Xelkê Kurd, gorîyê terora dînperêsên radîkal û neteweperêsên Tirk, Ereb û Fars e. Divêt eve bête gotin.

11 Ílon 2004, Şembî

Özgür Politika

Kurdîya wê: ROJAN HAZIM

Malper: http://www.xweza.com

Not:
Fanatîzma dînî û neteweperêsîya Tirk, Ereb û Fars, çend dijmirovî be, sîyonîzm jî hind rûyê kirêt yê dewleta Israîl e. ROJAN HAZIM
 serî